عن جمل اتعودنا نسمعها دايما من الناس وبالذات القرايب والاهل وتلاقيها دايما تطلع فى الاوقات والمناسبات العائلية او مواقف بتكون انت فيها متأثر عاطفيا ف مش بتقدر تعقب عليها ولا بتلاقى ليها رد غير انك تسمع وتسكت او تهز راسك او تبكى وف الغالب بتهز راسك................ ومن الجمل الشهيره جدا :
" الخاله والده " ............. طيب هى ولدت امتى سيادتك والست اللى اسمها امى دى وظيفتها ايه طيب هى خالتى دى ممكن تفضلنى على ولادها يعنى لو ابنها او بنتها محتاجه حاجه وانا زيها هتاخد الحاجه وتقولى خديها ...... الاجابه اكيد لا ........... وطبعا ده مش تعميم لكن الواقع اثبت انه نسبه قليله جدا اللى ممكن تكون حقيقى والده ......... وهنا مش معنى كلامى ان الخاله غلطانه لما تفضل اولادها على ولاد اختها او اجرمت هى فى الاخر ام والام هى الوحيده اللى عندها ولادها فوق اى حد حتى نفسها ........ انا بس الجمله دى بتزعلنى لانها فى معظم الحالات بتكون مش حقيقيه ف لو سمحت اى حد بعد كده يقولك الخاله والده قوله لا ............ امى هى اللى والده .............. مع كامل احترامى لكل خاله مظلومه فى كلامى ده .. هو احنا ليه دايما نضع الكلام فى غير مكانه وليه نظلم الخاله اللى دورها انها اخت امى ونزود الادوار عليها .. وعلى فكره اانا بحب خالاتى جدا .
"اعز الولد ولد الولد" يا راجل دى المحاكم مليانه قضايا مرفوعه من الجد او الجده علشان ياخدوا ابن ابنهم ويحرموه من امه عقابا ليها علشان سابت ابنهم وبتفكر تتجوز وتكمل حياتها.. فين العز ده ......... وعلى النقيض النموذج التانى من العز مجرد ما الزوجه تسيب البيت وتاخد ولادها ولا اب ولا جد ولا جده بيسأل عن حالهم ولو بتليفون وحتى لو كان ابنهم متوفى وسايب اولاده وامهم بتربيهم لوحدها بعد وفاة جوزها فين دور الجد والجده اهم بيزوروهم فى المواسم والاعياد وبيجيبوا لعبه او زياره وخلصنا ........ وطبعا وكالعاده كل احترامى للجد والجده اللى عارفين دورهم كويس فى حياة احفادهم لكن قليلين انتم ......... ف لو سمحت اى حد يقولك ان اعز الولد ولد الولد قوله ابدا ...... اعز الولد هو الولد نفسه ابنى هو الاعز عليا من اى انسان تانى وحب احفادى من حب ابنى مش العكس .
"انا فى مقام ابوك او مامتك" وزيها "انت زى ابنى او بنتى" والجمله دى بصراحه دايما بتتقال فى موقف بيكون المتحدث عايز ياخد حقك بس بدعوا انه زى ماما او بابا يمكن انا معقده شويه بس استحملونى ....... دايما الجمله دى بتخليك تبقى محرج ترفض طلب الشخص اللى قدامك مع العلم ان لو كان باباك او مامتك هما اللى واقفين بيطلبوا منك مش هتوافق ده حتى الطلب نفسه باباك ومامتك ممكن ما يطلبوه منك بس انت ساعتها هتوافق من باب الاحراج ............ انا بقى بقولك ارفض اى طلب يجيلك بالطريقه دى لان مفيش حد هيحبك ولا يبقى زى مامتك وباباك .
"انت اغلى عندى من نفسى" "وانت حياتى" غيرها كتير وطبعا دى جمل مشهوره جدا بتتقال كتير بين الاصحاب والاحباب والازواج بس لما تسمعها من امك بس صدقها .........غير كده مفيش حد انت عنده اغلى من نفسه .
وكتير وكتير جمل مشابهه وبتتقال فى مواقف غريبه وللاسف احنا فضلنا نقولها لحد ما صدقناها لدرجة ان من كتر ما الجمل دى بتخلينا نتعشم فى اللى حوالينا بقينا نزعل من تصرفاتهم معانا واحنا فى الحقيقه اللى اعتقدنا فى الكلام ده وصدقناه لحد ما اصبح الميزان اللى بنوزن بيه علاقتنا ببعض يعنى حطينا الخاله فى خانة الام وهى اصلا عندها من المسؤليه ما يكفيها وانتظرنا بكل عشم من صاحب بابا اللى زى والدى انه يعملنا مصلحه وهو اصلا مش عارف يعمل لولاده حاجه ومنتظرين من الجد والجده انهم بعد ما كبروا بردوا يشيلوا جزء من المسؤليه ............... خلاصه الكلام ان بعد ابوك وامك مفيش حد هيسأل فيك ولا يخاف عليك غير نفسك والله كمان احنا احيانا مش بنخاف على نفسنا بس اول ما يبقى عندك اولاد هتعرف قد ايه خوف الاب والام بيكون على اولادهم وساعتها هتعرف ان مفيش حد هيحب ولادك غيرك .
ممكن كتير من الناس تكون مش موافقانى فى الكلام ده بس انا حقيقى لمست كل اللى انا قولته واكتر فى حياة ناس كتير حواليا وحياتى انا كمان وبحاول اوصل ده لغيرى علشان ما يحتار زى حيرتى فى ناس كانت بتقول الجمل دى وفى الاخر طلعت
كذب ولا تصدق .
" الخاله والده " ............. طيب هى ولدت امتى سيادتك والست اللى اسمها امى دى وظيفتها ايه طيب هى خالتى دى ممكن تفضلنى على ولادها يعنى لو ابنها او بنتها محتاجه حاجه وانا زيها هتاخد الحاجه وتقولى خديها ...... الاجابه اكيد لا ........... وطبعا ده مش تعميم لكن الواقع اثبت انه نسبه قليله جدا اللى ممكن تكون حقيقى والده ......... وهنا مش معنى كلامى ان الخاله غلطانه لما تفضل اولادها على ولاد اختها او اجرمت هى فى الاخر ام والام هى الوحيده اللى عندها ولادها فوق اى حد حتى نفسها ........ انا بس الجمله دى بتزعلنى لانها فى معظم الحالات بتكون مش حقيقيه ف لو سمحت اى حد بعد كده يقولك الخاله والده قوله لا ............ امى هى اللى والده .............. مع كامل احترامى لكل خاله مظلومه فى كلامى ده .. هو احنا ليه دايما نضع الكلام فى غير مكانه وليه نظلم الخاله اللى دورها انها اخت امى ونزود الادوار عليها .. وعلى فكره اانا بحب خالاتى جدا .
"اعز الولد ولد الولد" يا راجل دى المحاكم مليانه قضايا مرفوعه من الجد او الجده علشان ياخدوا ابن ابنهم ويحرموه من امه عقابا ليها علشان سابت ابنهم وبتفكر تتجوز وتكمل حياتها.. فين العز ده ......... وعلى النقيض النموذج التانى من العز مجرد ما الزوجه تسيب البيت وتاخد ولادها ولا اب ولا جد ولا جده بيسأل عن حالهم ولو بتليفون وحتى لو كان ابنهم متوفى وسايب اولاده وامهم بتربيهم لوحدها بعد وفاة جوزها فين دور الجد والجده اهم بيزوروهم فى المواسم والاعياد وبيجيبوا لعبه او زياره وخلصنا ........ وطبعا وكالعاده كل احترامى للجد والجده اللى عارفين دورهم كويس فى حياة احفادهم لكن قليلين انتم ......... ف لو سمحت اى حد يقولك ان اعز الولد ولد الولد قوله ابدا ...... اعز الولد هو الولد نفسه ابنى هو الاعز عليا من اى انسان تانى وحب احفادى من حب ابنى مش العكس .
"انا فى مقام ابوك او مامتك" وزيها "انت زى ابنى او بنتى" والجمله دى بصراحه دايما بتتقال فى موقف بيكون المتحدث عايز ياخد حقك بس بدعوا انه زى ماما او بابا يمكن انا معقده شويه بس استحملونى ....... دايما الجمله دى بتخليك تبقى محرج ترفض طلب الشخص اللى قدامك مع العلم ان لو كان باباك او مامتك هما اللى واقفين بيطلبوا منك مش هتوافق ده حتى الطلب نفسه باباك ومامتك ممكن ما يطلبوه منك بس انت ساعتها هتوافق من باب الاحراج ............ انا بقى بقولك ارفض اى طلب يجيلك بالطريقه دى لان مفيش حد هيحبك ولا يبقى زى مامتك وباباك .
"انت اغلى عندى من نفسى" "وانت حياتى" غيرها كتير وطبعا دى جمل مشهوره جدا بتتقال كتير بين الاصحاب والاحباب والازواج بس لما تسمعها من امك بس صدقها .........غير كده مفيش حد انت عنده اغلى من نفسه .
وكتير وكتير جمل مشابهه وبتتقال فى مواقف غريبه وللاسف احنا فضلنا نقولها لحد ما صدقناها لدرجة ان من كتر ما الجمل دى بتخلينا نتعشم فى اللى حوالينا بقينا نزعل من تصرفاتهم معانا واحنا فى الحقيقه اللى اعتقدنا فى الكلام ده وصدقناه لحد ما اصبح الميزان اللى بنوزن بيه علاقتنا ببعض يعنى حطينا الخاله فى خانة الام وهى اصلا عندها من المسؤليه ما يكفيها وانتظرنا بكل عشم من صاحب بابا اللى زى والدى انه يعملنا مصلحه وهو اصلا مش عارف يعمل لولاده حاجه ومنتظرين من الجد والجده انهم بعد ما كبروا بردوا يشيلوا جزء من المسؤليه ............... خلاصه الكلام ان بعد ابوك وامك مفيش حد هيسأل فيك ولا يخاف عليك غير نفسك والله كمان احنا احيانا مش بنخاف على نفسنا بس اول ما يبقى عندك اولاد هتعرف قد ايه خوف الاب والام بيكون على اولادهم وساعتها هتعرف ان مفيش حد هيحب ولادك غيرك .
ممكن كتير من الناس تكون مش موافقانى فى الكلام ده بس انا حقيقى لمست كل اللى انا قولته واكتر فى حياة ناس كتير حواليا وحياتى انا كمان وبحاول اوصل ده لغيرى علشان ما يحتار زى حيرتى فى ناس كانت بتقول الجمل دى وفى الاخر طلعت
كذب ولا تصدق .
